བོད་བརྒྱུད་ནང་བསྟན་གྱི་གཞུང་ལུགས་ལ་སློབ་སྦྱོང་བྱེད་པར་དུས་ཚོད་ཆ་ཚང་དགོན་སྡེ་ཁག་ནང་གཏོང་མ་ཐུབ་པའི་བཙུན་པ་ཞིག་གི་བལྟས་ན།   ལྡི་ལི་བོད་ཁང་གིས་གོ་སྒྲིག་གནང་པའི་ནཱ་ལནྡཱ་སློབ་ཚན་ནི་གོ་སྐབས་ཧ་ཅང་ལེགས་པོ་ཞིག་རེད།

དགེ་བཤེས་རྡོ་རྗེ་དགྲ་འདུལ་ལགས་ནི་དགེ་རྒན་མཁས་པ་ཞིག་རེད། ཁོང་གིས་གོ་དཀའ་བའི་གནད་དོན་རྣམས་དཔེ་མཚོན་དང་ལོ་རྒྱུས་སོགས་ཀྱི་ཐོག་ནས་གསལ་པོར་གསལ་བཤད་མཛད་ཐུབ། གལ་ཏེ་དགོས་མཁོ་བྱུང་ཚེ་བཟོད་བསྲན་ཆེན་པོས་ཡང་ཡང་འགྲེལ་བཤད་མཛད་གི་རེད། ཁོང་ནི་བོད་ཡིག་དང་དབྱིན་ཡིག་གཉིས་ཀར་མཁས་པ་ཡིན་པས་གཞུང་ཆེན་ཁག་གི་ནང་དོན་རྣམས་གོ་རིམ་ལྡན་པའི་ཐོག་ནས་འགྲེལ་བཤད་གནང་གིན་འདུག

སློབ་ཚན་འདིར་མཉམ་ཞུགས་བྱས་པ་ནས་བཟུང་། ང་ཚོ་ལྟ་བུའི་མཉམ་ཞུགས་པ་ཚོར་ནཱ་ལནྡཱ་རྒྱ་གར་དང་བོད་ཀྱི་མཁས་པ་ཚོས་མཛད་པའི་གཞུང་ཆེན་ཁག་ལ་སློབ་སྦྱོང་བྱེད་པའི་གོ་སྐབས་ཐོབ་པ་དང་། ཁོང་ཚོའི་ཤེས་རབ་རྒྱ་ཆེ་བ་དང་གཏིང་ཟབ་པ་གནད་དོན་གྱི་གནས་ལུགས་གསལ་པོར་མཁྱེན་པའི་ནུས་པས་བློ་སྒོ་ཕྱེ་ཐུབ།

སིང་གྷ་པུར་ནས་ཡིན་པའི་སངས་རྒྱས་ཆོས་ལུགས་ཀྱི་བཙུན་པ་རྒྱལ་མཚན་རབ་བརྟན།

ང་རང་ཨི་སི་རལ་དུ་ཡོད་པས། ནང་ཆོས་ཀྱི་ལྟ་གྲུབ་དང་ཉམས་ལེན་ལ་གོ་རིམ་ལྡན་པའི་ཐོག་ནས་སློབ་སྦྱོང་བྱེད་པའི་གོ་སྐབས་ནམ་ཡང་ཐོབ་མ་མྱོང་།

 ངའི་ངོས་ནས་བལྟས་ན། སློབ་ཚན་འདི་ནི་མི་ཚེའི་ནང་འགྱུར་བ་གལ་ཆེ་ཞིག་རེད། སློབ་ཚན་འདི་ལ་བརྟེན་ནས་ངའི་མི་ཚེ་དང་འབྲེལ་བ་ཡོད་པའི་ལྟ་སྟངས་སྔར་ལས་རྒྱ་ཆེ་རུ་འགྲོ་བཞིན་ཡོད། དཀའ་ངལ་ཅན་གྱི་གནས་སྟངས་ལ་བརྟེན་ནས་སེམས་ཁྲལ་དང་སྐྱོ་སྣང་བྱེད་པའི་གོམས་གཤིས་ཤུགས་ཆུང་དུ་འགྲོ་བཞིན་ཡོད། སྔོན་ཆད་ནང་བཞིན་རང་གི་ཁེ་ཕན་གྱི་ཆེད་དུ་མི་བྱེད་པར་མི་གཞན་ལ་རོགས་རམ་བྱེད་རྒྱུའི་བསམ་པའང་སྐྱེ་ཐུབ་པ་འབྱུང་གིན་འདུག

འབྱུ་ན་དགེ་བཤེས་ལགས་དང་མཉམ་དུ་སློབ་ཚན་འདིར་མཉམ་ཞུགས་བྱས་མྱོང་མཁན་ཞིག་ལ་སྐད་ཆ་དྲིས་དང་། དྲི་བ་འགའ་འདྲི་དགོས། ངས་ཁྱེད་རང་ལ་ཆོས་འདི་དང་དགེ་རྒན་འདིའི་ཐུགས་གཤིས། དེ་བཞིན་སློབ་ཚན་འདིའི་ཐོག་ལ་མོས་པ་ཡོད་ན། ཁྱེད་ཀྱི་སེམས་ངལ་ཕལ་ཆེ་བ་སེལ་ཐུབ་པར་ཡིད་ཆེས་ཡོད།

 ལོ་མང་པོའི་རིང་ལ་གློག་ཀླད་མཉེན་ཆས་བཟོ་ལས་ཁྲོམ་རར་ཉམས་མྱོང་ཡོད་པའི་ཨི་སི་རལ་ནས་ཡིན་པའི་གློག་ཀླད་ཚན་རིག་གི་འབུམ་རམས་པ་བེན་མིང་ཅན་གྱིས།

སློབ་ཚན་འདིེར་ཞུགས་པ་ནས་བཟུང་མི་ཚེའི་འགྲུལ་བཞུད་ངོ་མཚར་བ་ཞིག་བྱུང་། ནཱ་ལནྡཱའི་འཛིན་གྲྭའི་དགེ་རྒན་གཙོ་བོ་དགེ་བཤེས་རྡོ་རྗེ་དམ་དུལ་མཆོག་གིས་སངས་རྒྱས་ཀྱི་བསྟནཔའི་པསྐོར་ལམ་སྟོན་གནང་གི་ཡོད། ་ཁོང་གི་ཁྱད་དུ་འཕགས་པའི་བཟོད་སྒོམ་དང་། གཞུང་ལུགས་ཀྱི་མཁྱེན་རྒྱ། དེ་བཞིན་འབྲེལ་མཐུད་ཀྱི་སློབ་ཁྲིད་ཀྱི་ཐབས་ལམ་བཅས་ཀྱིས་ང་ཚོ་ལྟ་བུའི་ལོ་ན་བར་མ་དང་། དེང་རབས་ཀྱི་ཤེས་ཡོན་སྦྱངས་པ། ཆེད་ལས་པ། གྲོང་ཁྱེར་གྱི་མི་ཚོ་ཆོས་ལ་འཇུག་པར་ཤེས་རིག་གི་རྟོག་ཞིབ་ལ་འཚམ་པའི་ཚད་ལྡན་དང་རིམ་པ་བཞིན་གྱི་ཐབས་ལམ་ཞིག་བསྐྲུན་ཡོད། ནཱ་ལནྡཱའི་འཛིན་གྲྭའི་སྐོར་གྱི་གནད་དོན་གཞན་ཞིག་ནི་ལས་རིམ་གྱི་མཉེན་ཆ་དང་འགྱུར་ལྡོག་རེད། ང་ཚོ་ཆེད་ལས་པ་དང་ཕ་མ་གཉིས་ཀ་ཡིན་པའི་ཆ་ནས་དུས་ཚོད་ཀྱི་དཀའ་ངལ་ལ་བརྟེན་ནས། དུས་ཚོད་ནན་པོ་དང་དུས་ཚོད་མང་པོ་འགོར་བའི་ལས་རིམ་ཁག་ཏུ་མཉམ་ཞུགས་ཐུབ་ཀྱི་མེད།   འདས་པའི་ལོ་ཤས་རིང་ནཱ་ལནྡཱའི་སློབ་ཚན་བརྒྱུད་ནས་སྦྱངས་པའི་བསླབ་བྱ་དང་ཉམས་ལེན་ལ་བརྟེན་ནས་ང་ཚོའི་སེམས་ནང་གི་འཚེར་ཀ་དང་བསམ་བློའི་ཟིང་ཆ་ཧ་ཅང་ཉུང་དུ་སོང་བ་ངས་མཐོང་། ནཱ་ལནྡཱའི་སློབ་ཚན་ནི་ཆེད་ལས་དང་ཁྱིམ་ཚང་གི་འཚོ་བ་སྐྱོང་བཞིན་པའི་ང་ཚོ་ལྟ་བུའི་མི་ཚོར་སངས་རྒྱས་ཆོས་ལུགས་ཀྱི་ལྟ་གྲུབ་ལ་ཞིབ་འཇུག་བྱེད་པར་སྒོམ་ཆེན་པ་དང་འདྲ་བའི་གནས་སྟངས་ཤིག་སྦྱིན་གྱི་ཡོད།

སྐུ་ཞབས་ལོ་ཀེཤ་ (ཨ་ཡི་ཨ་ཡི་ཊི་བྷོམ་བྷེ་དང་། ཉི་ཧོང་གི་ཨ་ཡུ་ཇི་ནས་ཨམ་བྷ་འཛིན་གྲྭ་ཐོན་པ། ལོ་ངོ་ ༢༥ རིང་གི་ཨ་ཡི་ཊི་དང་མ་འཇོག་དངུལ་ཁང་གི་ཉམས་མྱོང་ཡོད་པ།) དང་ལྕམ་རིམ་པི་ཇིནྡལ་ (གྷུ་རུ་གྷ་རམ་རྒྱ་གར་དུ་གནས་སྡོད་བྱེད་པའི་ཨམ་བྷ་ཚོང་པ་ཞིག་ཡིན།) གཉིས་ནི་བུ་གཉིས་འཚར་ལོངས་བྱེད་བཞིན་པའི་ཕ་མ་གཉིས་རེད།

ཕྱི་ལོ་ཆིག་སྟོང་བདུན་ཅུ་དོན་གྲངས་ཀྱི་མཇུག་ཏུ་ངས་དྷ་རམ་ས་ལ་རུ་རྒྱུན་དུ་འགྲོ་བ་དང་༸གོང་ས་མཆོག་ལ་ཧ་ཅང་དགའ་མོས་ཡོད། ལོ་ངོ་དེ་དག་གི་རིང་ལ་ངས་ཁོང་གི་གསུང་ཆོས་གང་དུ་དང་ནམ་ཡིན་ཡང་ཞུགས་ཐབས་བྱས་པ་ཡིན། འོན་ཀྱང་། གསུང་ཆོས་ཀྱི་གཏིང་དང་རྒྱ་ཆེ་བ་རྟོགས་པར་དཀའ་ངལ་ཆེན་པོ་བྱུང་། ན་ལེན་ཌ་སློབ་དཔོན་གྱི་སློབ་ཚན་འདི་ལ་བརྟེན་ནས་ད་ལྟ་ངས་༸གོང་ས་མཆོག་གི་གསུང་ཆོས་རྣམས་གོ་བ་ལོན་པར་དཀའ་ངལ་མེད་པ་དང་ཁོང་གི་དཔེ་དེབ་རྣམས་ཀློག་སྐབས་ཀྱང་ཕན་ཐོགས་ཆེན་པོ་ཡོང་གི་འདུག

ངའི་ལོ་ན་ལ་བསམ་ན་སློབ་གཉེར་གྱི་ལས་རིམ་ཞིག་ལ་ཞུགས་རྒྱུ་དཀའ་ངལ་ཡོང་བར་བསམ་ཡང་། དོན་དངོས་སུ་དགེ་རྒན་དང་དེང་རབས་ཀྱི་དྲ་ཐོག་སློབ་སྦྱོང་གི་ཐབས་ལམ་ལ་བརྟེན་ནས་ཧ་ཅང་སྟབས་བདེ་བཟོས་འདུག ལས་རིམ་འདིས་གཞུང་ལུགས་དང་ནང་པའི་ཉམས་ལེན་གཉིས་ཟུང་འབྲེལ་བྱས་ཡོད། དེའི་འབྲས་བུར་ངའི་ཆུང་མ་སྟེ་ང་ལས་ཀྱང་ནང་པའི་ཉམས་ལེན་བྱེད་མཁན་ལེགས་པ་ཞིག་གིས་ངའི་སྤྱོད་ཚུལ་དང་རྣམ་འགྱུར་ཕྱོགས་གང་ས་ནས་ཡར་རྒྱས་ཕྱིན་འདུག་ཅེས་བརྗོད་ཀྱིན་འདུག།

 ཧྥི་རི་ཊི་ཧེ་སེལ་ལིན་ཀི་ (ནེ་ཐར་ལན་ཌི། ༡༩༤༥) རྒྱལ་སྤྱིའི་ཁོར་ཡུག་ཆེད་སྤྱི་ཚོགས་ཚོང་འགྲེམས་ཀྱི་ལས་དོན་པ་ (རྒན་ཡོལ།) Frits Hesselink (Netherlands, 1945), international consultant social marketing for the environment (retired).

ངས་སློབ་ཚན་གྱི་སློབ་དེབ་ནི་བསམ་བློ་ཞིབ་མོས་བཏང་ནས་བཟོས་ཡོད་པ་མཐོང་བྱུང་། བོད་ཁང་གི་འགན་འཛིན་དགེ་བཤེས་རྡོ་རྗེ་དམ་དུལ་ནི་ཧ་ཅང་ཡག་པོ་དང་འབྲེལ་འདྲིས་བྱེད་བདེ་བའི་དགེ་རྒན་ཞིག་ཡིན་པ་དང་ཁོང་གིས་ཕན་ཐོགས་ཆེ་ཞིང་འབྲེལ་བ་ཡོད་པའི་སྒོ་ནས་སློབ་ཁྲིད་གནང་གི་འདུག ཁོང་གིས་བདུན་ཕྲག་རེར་ཐེངས་གཉིས་ལ་དུས་ཡུན་ཆུ་ཚོད་གཉིས་རིང་བར་མཚམས་མེད་པར་ང་ཚོར་བཟོད་ཟན་ཆེན་པོས་སློབ་ཁྲིད་གནང་བཞིན་ཡོད། སློབ་མ་ཚོས་དོགས་པ་བཏོན་པ་ལ་ཁོང་གིས་མགྱོགས་པོར་ལན་འདེབས་གནང་གི་འདུག  ང་རང་གིས་དཔེ་ཁྲིད་འདི་དག་ལས་ཕན་ཐོགས་ཧ་ཅང་ཆེན་པོ་བྱུང་བ་དང་། སློབ་ཚན་མདུན་སྐྱོད་བྱེད་སྐབས་ང་རང་གི་གདེང་ཚོད་དང་ཡིད་ཆེས་ཇེ་ཆེར་འཕེལ་སོང་།

 གལ་ཏེ་ཁྱེད་རང་སངས་རྒྱས་ཀྱི་གསུང་ཆོས་རྣམས་དེ་བས་གཏིང་ཟབ་དང་ཚད་ལྡན་གྱི་སྒོ་ནས་སྦྱུང་འདོད་ཡོད་ན། ངས་ཁྱེད་ལ་ལས་རིམ་འདི་འདྲ་ཞིག་ལ་ཞུགས་རྒྱུ་ནན་སྐུལ་བྱེད་ཀྱི་ཡིན། དོན་དག་ཡོད་ཚད་ལ་འབད་བརྩོན་བྱེད་པ་ལྟར། ལས་རིམ་འདི་མཇུག་སྐྱོང་བར་དམ་བཅའ་ཞིག་དགོས་པ་དང་འདི་ནི་དགའ་སྤྲོའི་ངང་བརྩོན་འགྲུས་བྱས་ནས་མ་གཏོགས་ཡོང་ཐབས་མེད། 🙂

 ལི་ཨན་ཆོ་ཊན་ནི་པོ་ཊེན་ཤལ་པོ་ཇེག་ཀམ་པ་ནི་ཞེས་པའི་འཛམ་གླིང་གི་འགོ་ཁྲིད་གོང་འཕེལ་ཚོང་ལས་ཁང་ཞིག་གི་སློབ་སྟོན་པ་དང་སྦྱོང་བརྡར་སྤྲོད་མཁན་གཙོ་བོ་ཞིག་ཡིན། ཁོང་ནི་སྔོན་མ་གསར་འགོད་པ་ཞིག་དང་སིང་གྷ་པུར་གྱི་ཕྱི་འབྲེལ་དཔོན་རིགས་རྒན་པ་ཞིག་ཡིན།

(Lian Choo Tan, Senior Consultant and Trainer at Potential Project, a global leadership development firm; former journalist and retired Singapore diplomat. )

ངས་དགེ་བཤེས་ལགས་ཀྱིས་དབྱིན་སྐད་ནང་སློབ་ཁྲིད་གནང་བ་དང་། ནང་པའི་ལྟ་གྲུབ་དང་སེམས་ཁམས་རིག་པའི་གསུང་རབ་རྣམས་དེང་རབས་ཀྱི་ཚན་རིག་བསམ་བློ་དང་བསྟུན་སྟེ་སློབ་འཁྲིད་གནང་བ་དེ་ལ་ལྷག་པར་དུ་བསྔགས་བརྗོད་ཞུ་བཞིན་ཡོད། དེས་ཁོང་གི་སློབ་ཁྲིད་ཧ་ཅང་སླ་མོ་ཞིག་ཏུ་བཟོས་པ་དང་། ང་རང་ལ་ཡང་སྔོན་མ་སློབ་སྦྱོང་ཐོབ་པའི་བརྗོད་གཞི་མང་པོའི་ཐོག་གོ་རྟོགས་གསལ་པོ་ཆགས་པའི་ཕན་ཐོགས་བྱུང་། ང་རང་གིས་བསྟན་བཅོས་ལ་སློབ་སྦྱོང་བྱས་ཀྱང་ད་བར་སྦྱང་བའི་བརྗོད་གཞི་རྣམས་ཀྱི་གོ་རྟོགས་ཅུང་ཟད་མི་གསལ་བ་དང་གཏན་འབེབས་མེད་པ་ཞིག་ཡིན་པ་ཤེས་རྟོགས་བྱུང་།

ནཱ་ལཱནྡཱ་སློབ་ཐོན་ལག་འཁྱེར་གྱི་སློབ་ཚན་ལོ་གཅིག་ལྷག་བསླབ་ཟིན་རྗེས་ངའི་ཉམས་མྱོང་ནི་ཧ་ཅང་ཕན་ཐོགས་ཆེན་པོ་བྱུང་། སློབ་ཚན་གྱི་རྣམ་པ་ནི་བདུན་ཕྲག་རེར་འཛིན་གྲྭ་གཉིས་དང་དྲ་ལམ་གྲོས་བསྡུར་ཚོགས་པ་གཅིག་ཡིན་པ་དེ་ནི་ང་ལ་གཟབ་ནན་ངང་འཇུག་རྒྱུའི་དུས་ཚོད་འདང་ངེས་ཤིག་ཡིན་པ་མ་ཟད། བདག་གི་དུས་ཚོད་རེའུ་མིག་ནང་དུའང་འཚམས་པོ་ཞིག་ཚོར། བོད་ཁང་གིས་བདག་གཉེར་བྱས་པའི་དྲ་ལམ་གླེང་སྟེགས་ཀྱིས་དྲི་བ་ཁག་ལ་ལན་འདེབས་བྱེད་རྒྱུའི་ཡིད་ཆེས་ལྡན་པའི་ཁུངས་ཤིག་གྱུར་ཡོད། ཉམས་མྱོང་ཅན་གྱི་སློབ་མ་ཚོས་ངའི་གོ་རྟོགས་གསལ་པོ་བཟོ་བར་རོགས་བྱེད་པ་དང་། དེ་འབྲེལ་ཀློག་དེབ་དང་ཐོན་ཁུངས་ལ་ལམ་སྟོན་བྱེད་ཀྱིན་འདུག དེར་མ་ཟད། སློབ་དུས་རེ་རེའི་མཇུག་ཏུ་འདྲི་རྩད་བཏང་བ་དེ་ནི་བདག་གིས་སློབ་ཚན་འདིར་ཞུགས་རྒྱུར་རྒྱུན་སྐྱོང་བྱེད་པར་ཧ་ཅང་གལ་ཆེན་པོ་ཞིག་ཆགས་ཡོད། འདྲི་རྩད་སོགས་བརྟག་དཔྱད་མེད་ན་བདག་གིས་སློབ་ཚན་འདི་ནས་ཕན་ཐོགས་དེ་འདྲ་ཞིག་འཐོབ་མི་སྲིད།

ལོ་ར་ཧོ་གྷེ། ཨ་རི་ནས་ཡིན་ཞིང་ད་ལྟ་ཧྥ་རན་སིར་གནས་སྡོད་བྱེད་བཞིན་པའི་རང་དབང་ཅན་གྱི་བརྙན་པར་བཟོ་མཁན་དང་རྩོམ་སྒྲིག་པ།

(Laura Haughey, a freelance videographer and editor originally from the U.S. and now living in France)

བདག་ནི་སློབ་ཚན་མཇུག་བསྒྲིལ་ལ་ཉེ་བའི་སྐབས་འཛུལ་ཞུགས་བྱས་པ་ཡིན། ང་ལ་བརྗོད་བྱ་དག་གི་གོ་རྟོགས་ཇི་ཙམ་ཟབ་མོ་ཡིན་པ་ཚོར་ཐུབ། འདིས་རང་ཉིད་དང་སྤྱི་ཚོགས་ནང་དུ་ཉིན་རེའི་ཉམས་ལེན་གྱི་ཡིད་ཆེས་བསྐྲུན་པར་ཕན་ཐོགས་ཆེན་པོ་བྱེད་ཀྱི་ཡོད། དེ་དང་མཉམ་དུ་ཁྱེད་ཀྱི་ཤེས་བྱ་ནི་ཕྱི་ངོས་ཙམ་མིན་པར་ཧ་ཅང་གཞི་རྩ་བརྟན་པོ་མཉམ་བཀོད་བསྒྲིགས་བྱས་པས་བརྟན་པོ་ཡོད།       གལ་ཏེ་ཁྱེད་ཀྱིས་སློབ་གཉེར་དང་སྒོམ་ཉམས་ལེན་དེ་མི་ཚེའི་འཕྲལ་སེལ་གྱི་འགྲུལ་བཞུད་ཙམ་མིན་པར་ འགྲུལ་བཞུད་རིང་པོར་བཟོ་འདོད་ཡོད་ན་དེ་ནི་གལ་ཆེ་ཤོས་ཀྱི་ཆ་ཤས་ཤིག་ཡིན་པ་དང་། དེ་ནིའདས་པའི་ལོ་གཅིག་གི་རིང་ལ། བདག་ལ་ནང་དུ་འགྱུར་བ་མང་པོ་ཞིག་བྱུང་བ་སྟེ། དཔེར་ན་འདོད་ཆུང་ཆོག་ཤེས་དང་། རྣམ་རྟོག་ཉུང་བ། ཡིད་ཚིམ་པ་སོགས་མང་པོ་ཞིག་ནི་གཏིང་ཟབ་པའི་སློབ་གཉེར་དང་སྒོམ་ཉམས་ལེན་ཁོ་ན་བརྒྱུད་ནས་འབྱུང་ཐུབ། གལ་ཏེ་ཁྱེད་ཀྱིས་གཞི་རྩའི་བརྗོད་བྱ་དག་གི་གོ་རྟོགས་གཏིང་ཟབ་ཏུ་གཏོང་འདོད་ཡོད་ན། སློབ་ཚན་འདིར་མཉམ་ཞུགས་གནང་རོགས། བཟོད་བསྲན་དང་དངོས་ཡོད་གནས་ཚུལ་དང་མཐུན་པ་བྱེད་དགོས། སློབ་གཉེར་དང་། བསམ་གཞིགས། སྒོམ་ཉམས་ལེན་བཅས་རྒྱུན་སྐྱོང་བྱས་ནས་འགྱུར་བ་ཇི་ལྟར་འགྲོ་མིན་ལ་ལྟ་རོགས། བཀྲ་ཤིས་བདེ་ལེགས།

བྷང་ལོར་གྲོང་ཁྱེར་དུ་གཏན་གཞི་བྱས་པའི་རྒྱ་གར་ནང་གི་ལས་རིགས་སློབ་སྟོན་པ་ཞིག་ཡིན་པའི་ལོ་ན་ ༣༢ ལ་སོན་པའི་ཤག་གུན་མ་ཧེ་ཤ་ཝ་རི།

(Shagun Maheshwari. 32 years old working professional as a consultant based in Bangalore, India)

དབྱིན་ཡུལ་ཀེམ་བྷི་རི་ཇི་མཐོ་སློབ་ཏུ་ལོ་ངོ་ ༡༣ རིང་སློབ་དཔོན་གྱི་ཉམས་མྱོང་ཡོད་པ་དང་། འཛམ་གླིང་ནང་གི་དགེ་རྒན་ལེགས་ཤོས་ཁག་ཅིག་གི་སློབ་ཁྲིད་མྱོང་མཁན་ཞིག་ཡིན་པའི་ཆ་ནས། ངས་དགེ་བཤེས་རྡོ་རྗེ་དགྲ་འདུལ་ལགས་ཀྱིས་བཞག་པའི་ཤུགས་རྐྱེན་ནི་ཆེ་ཤོས་ཡིན་པ་བདེ་བླག་ངང་བརྗོད་ཐུབ། ཁོང་ནི་དགེ་རྒན་ཕུལ་བྱུང་བ་ཞིག་ཡིན་པ་དང་། ཚད་གཞི་གང་འདྲ་ཞིག་གི་ཐོག་ནས་བརྟག་དཔྱད་བྱས་ཀྱང་ཧ་ཅང་ལེགས་པོ་ཡོད། ཁོང་ལ་ནཱ་ལནྡཱའི་སྲོལ་རྒྱུན་གྱི་བློ་གྲོས་དང་ཉམས་མྱོང་གཉིས་ཀར་མངའ་བརྙེས་པའི་མཁྱེན་རབ་ཆེན་པོ་ཡོད། ངའི་བསམ་པར་སློབ་ཚན་འདི་ནི་དགོན་པ་དང་མཐོ་སློབ་ཀྱི་ཕྱི་ལོགས་སུ་དབྱིན་སྐད་ཐོག་ཏུ་ཟབ་ཚད་དང་རྒྱ་ཁྱོན་གཉིས་ཀའི་ཐོག་ནས་སློབ་ཁྲིད་འདི་ལྟ་བུ་ཞིག་ལ་ཞུགས་པའི་གོ་སྐབས་ཧ་ཅང་དཀོན་པོ་ཞིག་ཡིན། དེ་ནི་ངའི་མི་ཚེའི་ནང་གི་དགའ་སྤྲོ་ཆེན་པོ་ཡིན་པ་དང་། ངའི་ལྟ་སྟངས་དང་ལྟ་ཚུལ་མི་ལེགས་པའི་ཕྱོགས་རྣམས་བསྒྱུར་བཅོས་བཏང་ཐུབ་པ་བྱུང་།

སློབ་ཚན་འདིར་མཉམ་ཞུགས་གནང་བའི་གོ་སྐབས་ཤོར་མ་ཅུག་རོགས། དེ་ནི་དམིགས་བསལ་གྱི་སློབ་ཚན་ཞིག་ཡིན་པ་དང་། དགེ་རྒན་འདི་ལྟ་བུ་ཞིག་དང་མཉམ་དུ་སློབ་ཁྲིད་བྱེད་པའི་གོ་སྐབས་ནི་མི་ཚེ་གཅིག་གི་ནང་དུ་ཐེངས་གཅིག་ལས་མི་འབྱུང་། དགེ་བཤེས་ལགས་ཀྱིས་སློབ་མ་གང་འདྲ་ཞིག་ཡིན་རུང་། སྔོན་གྱི་ཤེས་ཚད་དང་། སློབ་སྦྱོང་བྱེད་པའི་ནུས་པ། ཡང་ན་ལོ་ཚད་བཅས་ལ་ལམ་སྟོན་བྱེད་པར་མཁས་པོ་ཡོད། དེར་བརྟེན་ཐེ་ཚོམ་མ་བྱེད། ངས་སློབ་ཚན་འདི་བསྐྱར་དུ་འཛུལ་ཞུགས་བྱ་རྒྱུ་ཡིན་པ་དང་། ངའི་སློབ་གྲོགས་མང་པོ་ཞིག་གིས་ཀྱང་དེ་ལྟར་བྱ་རྒྱུ་ཡིན་པས། དེས་ཚང་མ་མཚོན་ཐུབ།

ལྡི་ལི་གྲོང་ཁྱེར་དུ་ཡོད་པའི་ཤི་ཝ་ན་དར་མཐོ་སློབ་ཏུ་ཆབ་སྲིད་དཔལ་འབྱོར་རིག་པའི་འབྲེལ་ཡོད་སློབ་དཔོན་ཞིག་ཡིན་པའི་ཀ་ཝེ་རི་གྷིལ། ཁོང་ལ་དབྱིན་ཡུལ་ཀེམ་བྷི་རི་ཇི་མཐོ་སློབ་ནས་ཐོན་པའི་འབུམ་རམས་པའི་ལག་ཁྱེར་དང་། རྗེས་སུ་འབུམ་རམས་པའི་ཞིབ་འཇུག་ལས་རོགས་ཀྱི་ཉམས་མྱོང་ཡོད། (Kaveri Gill, an Associate Professor in political economy at Shiv Nadar University, Delhi, with a doctorate and teaching experience during a postdoctoral fellowship from the University of Cambridge, United